الفرق بين البنت الدلوعه والبنت العربجيه

الناعمه

هي نايمه الدبدوبي والارنوبي كلهم في حظنها ما شاء الله صارت الغرفه محل العاب
واذا قامت من النوم ما تقوم الا الساعه1 الظهر لا بعد واللي يصحيها الشغاله تقومها بالانجليزي ...بس انا راح اترجمه لكم .....
يالله مرام قوم ماما في قول قوم


عاد هي تقول اوكي وتجي امها وتصحيها مره ثانيه يا مرام حبيبتي اصحي ...

ترد مرايم.. ماما والله بدري الساعه 1 الظهر بدرررررررررري(تدلع هي وخشتها..
يقالها تو الناس بدري )..طيب ماما من عيوني

قامت البنت من السرير وفتحت الستاره والشبابيك ... علشان الغرفه تتنفس
....يااااااااااااااي..وشغلت موسيقى رومنسيه علشان تروق بنت الحلال
وراحت تاخذ حمام محترم وبعد ما تطلع من الحمام و على المرايه تحط من هالكريمات والدعافيس على وجهها ....

تعرفون شباب لازم تحافظ على البشره
خلصت من المرايه وتتجه الان الى الاستشوار وش..وش..وش.. وش

لحووووووووووول ساعتين عز الله اللي اندمرت هالشوشه...
خلصت منه دقت البنطلون الجينز والبلوزه ونزلت تحت تفطر على كاس عصير برتقال ...... مسويه رجيييييييييييييييييم

نجي للعربجيه

تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى

لحووووووووووووووووووول زين زييييييييين ...تنفخ بعد....
بس لو تشوفون شكلها وهي نايمه.. يد هنا رجل هناك .. لا وكل ثلاث ساعات وهي طايحه من السرير
يجي اخوها حميد (اسمه محمد بس يدلعونه حميد )

ويقومها مره ثانيه ياااااا سوير تقول امي قومي جعلك الموت
ترد سوير..اقول اطلع ولا صكيتك على جبهتك..

ويجي مناحي اخوها الكبير ... سوير وجععععععععععع .. ويعطيها ذيك الرفسه اللي خلت عظامها تهلهل
وبعد تلك الرفسه العنيفه ... فزت فزه ما يعلمها الا الله

وقالها مناحي..قومي صلحي فطور عشر دقايق الا وهو جاهز زينننننن

شوفي ابي قرص وخبز مسح(يعني خبز على الحديده)
وقامت بعد جهد جهيد بعد ماشتمت العالم كلهم


اعزائي القراء نعود الى الاخت الناعمه..هذي ما تتغدا الا الساعه 3 ولا 5
لا ولا تتغدى الا على رز ابيض مسلوق وسلطه ....تحافظ على الرشاقه يا شباب

العربجيه تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم عندها تشربه شربه وحده يعني ما في مجال انها تنفس

الناعمه.. طلعتها تكون من بعد صلاة المغرب(ما تطلع في العصر يااااااااااي تحافظ على البشره

العربجيه.. تطلع الساعه2 القايله وتدقها كعااااااااااابي لبيت خوالها الين تنقلب خبز اسمر

الناعمه..تروح لأحد الأسواق الراقيه المعروفه وقبل ما تروح السوق تمر على المشغل علشان تحط ميك..اب سوق (مكياج سوق)

العربجيه .. تروح لسوق من احد الأسواق الشعبيه عشان تلقى العرابجه اللي مثلها
الناعمه.. اذا تطلعت تطلع مع يارا ولارا ورولا ومايا وغيرهم> تراي ماحطيت اسمي والله هو مكتوب
العربجيه .. تطلع مع بنات خالاتها وضحى وشقحى ومزنه ومنيره


الناعمه..اذا شافت واحد حلووووووووو لابس صح وماركات وحركات وحاط سكسوكه
ومحد قده قالت ..يااااااااااااااااااااي بنات نازرو
(((يعني ناظرو هذا الله يسلمكم ماغير من الدلع))) ياربيييييييييه واااااااااو

العربجيه..لا جات تزين
شخطت هالعيون بهالكحل والبست البرقع وطلعت هي وشقحى ومنيره ومزنه> ياحبيله العربجيه

عاد العربجيه يمر من عندها واحد راكب جيب فكس اااار موديل 2002 وداق شماغه كوبرىىى ويمر بهالجيب وسوي حركات استعراضيه
وتقول يا بنات تكفووووووووووووون شوفو يا ويلي ويلاااااااااااااااااه تكفون يالربع

الناعمه.. لا جات تضحك هههههههه يالله تسمعها من النعومه

العربجيه..اذا ضحكت اضحكت كذا ((هووووووووع هووووع هوووع))...
الناعمه..لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه

العربجيه.. لا جات تناظر التلفزيون تشوف غصب واحد وغصب اثنين ... وتجلس على الارض وتحط المركا وراها والرجلين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه

الناعمه اذا تبي تفكر طلعت برىىىىى في الحديقه حقت بيتهم وجلست على الكرسي هزاز وقام الكرسي يروح ويعود

العربجيه ..اذا تفكر طلعت برى في حوشهم
وفرشت البساط(ابو خمس طعش اللي مخطط باحمر وازرق عرفتوه )
وتكت على المركا قعدت تفكر في المروخ (شي مختلط من فكس وابو فاس مع حثال قهوه وشوي تمر) وهي يحطونها على الورم

انتهت اليوميات

اعجبني ونقلته مع بعض التعديلات

واتمنى مايكون مكرر لأنه ماطلع نتيجه معي في البحث

اتمنى يعجبكم

يااااااااااااااي يا مايا كنك تشوفني
انا النعووومه وش هالوصف الدقيق <<<تراك نعووومه

لالالا احرجتيني <<كذبت الكذبه وصدقتها

يسلمووووو

هههههه
مشكورة يامايا

هههههه اريام ماتدرين انا جالسه اراقبك اسبوع علشان اكتب يومياتك





وردة الأحزان دوم الضحكه

هههههههههههههههههههههههههههههه
مشكوووره ع التوووضح

نايف

أنا العربجيه بس والله إني نعوووووووووووووووومه

مشكورة على الطرح

خصيم يازيننا وحنا عربجيات كلنا زين

لمو حتى انا مثلك
فارس والله اعجبتني العربجيه رهيبه